الــــدورو

الـــــــــــــدورو



فارصو احلبو ذا البقرة ياالقدرة ... ما أبقاتش حية كلش عصروه
ما هداوش لينا قطرة ياالقدرة ... عولو لضرعها راهم نشحــــــــــــوه
كلها و ملمد صرة يا القدرة ... تخاطفو و الدورو ثاره قيبـــــــوه
البانكة زلطت ذا المرة يا القدرة ... البوشطة تتسلف و تحشم الوجوه
قرقوا ذا القاشي قدرة يا القدرة ... ما فهم ليهم ذا اللعبات بكشــــوه
كلها ويعود نشـــــــرة ياالقدرة ... كاثرة دعايات عليـــــه صكــروه
سول الدورو واش صرا ياالقدرة ... سول الخلق علاه خلات داربـوه
كان هاجر ومشى برة يا القدرة ... ها يخبر بلاك الناس يلحقــــــوه
كان مل العيشة المرة يا القدرة ... أرخسو فالسلعــــة حتى يقدروه
كان مضرور أومايبرة ياالقدرة ... كاينين الطبة ويجي يعالجـــــوه
كان قاضب روح ظهرة ياالقدرة ... نحشمو رجالة يمشو يرانجــــوه
قاب مابانت له جـــــرة ياالقدرة ... خبروا ذا الميعاد علاه تجحــــــدوه
نرجعو لوقات التمـــــرة ياالقدرة ... باه نشرو سكر؟ لتاي نرفســـــــوه
ندفعوا شاك على الكسرة ياالقدرة ... حلل الكواشة لكان يقبلـــــــــــــــــوه
بدل الخزنة بالخضرة ياالقدرة ... راه جاكم وقت التبدال زيخـــوه
بيع واشري قي بالهدرة ياالقدرة ... لا دراهم تسعى كلش حشلفــوه
ذي حوال بلاد الثورة ياالقدرة ... الخير ياسر والخوانة قصفـــــــوه
وين لبطال أهل النعرة ياالقدرة ... يبهزوا لوطنهم بالحق ينصــرو